له‌ گه‌رمیانه‌وه‌ بۆ هه‌موو جیهان

 

زه‌نگ كورد

zengkurd.net

 

 

زه‌نگێك بۆ هۆشیارى هاووڵاتى.. زه‌نگێك بۆ بێدارى ده‌سه‌ڵات

 

بۆ دووه‌م جاره‌ هه‌وڵى ته‌قاندنه‌وه‌ى ده‌ده‌ن
چه‌ند كه‌سێكى نه‌ناسراو هه‌وڵى ته‌قاندنه‌وه‌ى ئاڵاى كوردستان ده‌ده‌ن له‌ خورماتوو

زه‌نگ-خورماتوو- دیار جه‌مال


رۆژى 12-8 له‌ سه‌رشاخى خورماتوو چه‌ند كه‌سێكى نه‌ناسراو بۆمبێك به‌ ئاڵاى كوردستان دا ده‌ته‌قێننه‌وه‌ و دواتر بۆ جێگایه‌كى نادیار هه‌ڵدێن.
سه‌رچاوه‌یه‌ك له‌پۆلیسى خورماتوو به‌(زه‌نگ)ى راگه‌یاند كه‌ چه‌ند كه‌سێكى نه‌ناسراو سه‌رده‌كه‌ونه‌ سه‌ر شاخى خورماتوو كه‌ ئاڵایه‌كى گه‌وره‌ى له‌سه‌ر دروست كراوه‌ و هه‌وڵى ته‌قانده‌وه‌ى ده‌ده‌ن و بۆمبێك ده‌ته‌قێننه‌وه‌ به‌ئاڵاكه‌دا, به‌ڵام هه‌وڵه‌كه‌یان بێ ئه‌نجام ده‌بێت و هیچ زیانێك به‌ئاڵاكه‌ ناگات و دواى ته‌قاندنه‌وه‌ى یۆمبه‌كه‌ش هه‌ڵدێن بۆ جێگایه‌كى نادیار.
ئه‌و سه‌رچاوه‌یه‌ وتیشى:"ئه‌و چه‌ند كه‌سه‌ كه‌ هاتوون بۆ ته‌قاندنه‌وه‌ى ئاڵاكه‌ ناحه‌زى كوردن و نایانه‌وێت كورد له‌ ناوچه‌كه‌ بمێنێت, ناچار كارى له‌و جۆره‌ ده‌كه‌ن و بۆیه‌ پێویسته‌ پاسه‌وانى بۆ دابنرێت تاوه‌كو نه‌توانن ئاڵاكه‌ بته‌قێننه‌وه‌".
به‌پێى زانیارییه‌كانى (زه‌نگ) ئه‌مه‌ دووه‌م جاره‌ ئه‌و چه‌ند كه‌سانه‌ هه‌وڵى تاقاندنه‌وه‌ى ئاڵاى كوردستان ده‌ده‌ن له‌و جێگایه‌دا.

په‌یوه‌ندى:        zeng_rojane@yahoo.com         zengkurd@yahoo.com