له‌ گه‌رمیانه‌وه‌ بۆ هه‌موو جیهان

 

زه‌نگ كورد

zengkurd.net

 

 

زه‌نگێك بۆ هۆشیارى هاووڵاتى.. زه‌نگێك بۆ بێدارى ده‌سه‌ڵات

 

داوا ده‌كه‌ن ته‌مه‌ن مه‌رج نه‌بێ
ده‌یان گه‌نجى كفرى داوا ده‌كه‌ن په‌یمانگا و ئاماده‌یى كۆمپیوته‌ر و وه‌رزشى و كشتوكاڵ و پیشه‌یى له‌ (كفرى)یش بكرێته‌وه‌

زه‌نگ-كفرى-قادر قه‌ره‌داغى:


به‌ پێى به‌یانامه‌یه‌ك كه‌ دانه‌یه‌كى ده‌ست زه‌نگ كه‌وتوو و ئاراسته‌ى وه‌زیرى په‌روه‌رده‌ و ئیداره‌ى گه‌رمیان و به‌رێوبه‌رایه‌تى گشتیى په‌روه‌رده‌ى گه‌رمیان كراوه‌ ده‌یان گه‌نجى كفرى داوا ده‌كه‌ن ئه‌و په‌یمانگایانه‌ى ئێستا له‌ شاره‌ جۆراو و جۆره‌كان كراونه‌ته‌وه‌ له‌ كفریش بكرێنه‌وه‌.
له‌ به‌یاننامه‌كه‌دا هاتوه‌ كه‌ سته‌م و زوڵمه‌ مه‌رجى ته‌مه‌ن بۆ ئه‌و كه‌سانه‌ى داده‌نرێت كه‌ ئاره‌زوو ده‌كه‌ن بچنه‌ په‌یمانگاوه‌ و تێدا گلله‌یى له‌ په‌یمانگاى وه‌رزشى و كۆمپیوته‌رى كه‌لار ده‌كه‌ن كه‌ فۆرمیان پێیان نه‌داوه‌ چونكه‌ به‌روارى له‌دایك بوونیان خوارووى ساڵى 1990ه‌.
هه‌ڵمه‌ت عومه‌ر خوێندكارى ده‌رچووى پۆلى نۆیه‌مى خوێندنگه‌ى ئه‌حمه‌دى خانى ئێواران به‌ (زه‌نگ)ى وت ئه‌گه‌ر حكومه‌ت سووره‌ له‌سه‌ر ئه‌وه‌ى ئێمه‌ به‌ته‌مه‌ن گه‌وره‌ بزانێ با بێت په‌یمانگایه‌ك بۆ ئه‌و كه‌سانه‌ بكاته‌وه‌ ته‌مه‌نیان له‌ خوارووى ساڵى 1990ه‌". هه‌روه‌ها وتى:"ده‌بێ ئاوڕێك له‌ ئێمه‌ بدرێته‌وه‌ چونكه‌ ئێمه‌ى خوێندكارى ئێوارانین به‌ هۆى بارى ناله‌بارى نێو خێزانمان و په‌یداكردنى بژێوى ژیان له‌ خوێندن دواكه‌وتوین و نابێ حكومه‌تیش وه‌ك زه‌مانه‌ گورزمان لێى بوه‌شێنێ".

په‌یوه‌ندى:        zeng_rojane@yahoo.com         zengkurd@yahoo.com