چه‌ند جارێكه‌ حاڵه‌ته‌كه‌ دووباره‌ ده‌بێته‌وه‌
ژنێك له‌ ناو بازارى كه‌لار 15 مسقاڵ ئاڵتون و 1700 دۆلارى لێ دزرا

زه‌نگ-نووسینگه‌ى كه‌لار
ئاڵتون دزین له‌ ناو بازارى كه‌لار له‌ لایه‌ن كه‌سانى نه‌ناسراوه‌وه‌ بوه‌ته‌ دیارده‌ و به‌وته‌ى دوكاندارێك ئه‌مه‌ چه‌ند جارێكه‌ حاڵه‌تى له‌و جۆره‌ روو ده‌دات و كه‌سیش نازانێت ئه‌و كه‌سانه‌ كێن.
هه‌فته‌ى رابردوو ژنێك له‌ناو قه‌یسه‌رییه‌كه‌ى كه‌لاردا 15 مسقاڵ ئاڵتونى لێدزراوه‌. سه‌رچاوه‌یه‌كى نزیك له‌و ژنه‌ رایگه‌یاند به‌ مه‌به‌ستى كرینى ئاڵتوون چه‌ند ئافره‌تێك چوونه‌ته‌ بازارى كه‌لار و دواتر به‌ هۆى سه‌رقاڵبوونیانه‌وه‌ 15 مسقاڵ ئاڵتون و هه‌روه‌ها 1700 دۆلار له‌و ئافره‌ته‌ى ناسیاویان دزراوه‌.
زه‌ڕه‌نگه‌رێكى ناو بازاڕى كه‌لار بوونى حاڵه‌ته‌كه‌ى دووپات كرده‌وه‌ و وتیشى:"ئه‌م حاڵه‌ته‌ یه‌كه‌م جار نیه‌ رووده‌دات و كه‌سیش نازانێت له‌ لایه‌ن كێوه‌ ئه‌و كاره‌ ده‌كرێت".