ئه‌مساڵ 15 هه‌زار نه‌مام له‌سنوری قه‌زای كه‌لار ڕوێنراوه‌

زه‌نگ-نووسینگه‌ى كه‌لار
به‌شی نه‌مامگه‌ی شاره‌وانی كه‌لار له‌ ئه‌مساڵدا 15 هه‌زار نه‌مامی چاندووه‌ و زیاتر له‌ 11 هه‌زار له‌و نه‌مامانه‌ ئێستا پێگه‌یشتوون.
ئاراس محه‌مه‌د به‌رپرسی به‌شی نه‌مامگه‌ له‌شاره‌وانی كه‌لار ئاشكرای كرد كه‌ ئه‌مساڵ له‌زۆربه‌ی شه‌قام و ڕێگه‌وبانه‌كاندا نه‌مامێكی زۆریان چاندوه‌. له‌و ڕووه‌شه‌وه‌ وتى:"15 هه‌زار نه‌ماممان چاندووه‌ و له‌و نامامانه‌ش 11-12 هه‌زاریان هاتۆته‌به‌ر و سه‌وزبووه‌ و لق و پۆپی كردوه‌".
ناوبراو ئاماژه‌ى به‌وه‌دا له‌پیپَشدا خه‌ڵك هاوكاری نه‌ده‌كردن, به‌ڵام ئێستا هه‌ست به‌هاوكاری خه‌ڵك ده‌كه‌ن و چاودێری داره‌كانیان.
ناوبراو وتیشی:"به‌رده‌وام ئۆتۆمبیلی ئاوی فه‌رمانگه‌ی ئاو, ئاوى ئه‌و نه‌مامانه‌ ده‌دات".