314 سه‌گى به‌ره‌ڵڵا له‌ كه‌لار له‌ناوبراوه‌
له‌مانگى ره‌مه‌زاندا له‌ناوبردنى سه‌گه‌كان ڕاگیرا

زه‌نگ-نووسینگه‌ى كه‌لار
له‌گه‌ڵ هاتنی ڕه‌مه‌زاندا له‌كه‌لار هه‌ڵمه‌تی له‌ناوبردنی سه‌گی به‌ره‌ڵا ڕاده‌گیرێت ئه‌مه‌ش له‌كاتێكدایه‌ كه‌مانگێك به‌ر له‌ ڕه‌مه‌زان زیاتر له‌ 300 سه‌گی به‌ره‌ڵا له‌ناو براوه‌و هه‌ڵمه‌تی وه‌ستانى له‌ناوبردنه‌كه‌شی كاتیه‌ و دوای جه‌ژن ده‌ستی پێده‌كاته‌وه‌.
ئومێد شێخ له‌نگه‌ری له‌ڕاگه‌یاندنی شاره‌وانی كه‌لار جه‌خت ده‌كاته‌وه‌ كه‌ به‌فه‌رمانی سه‌رۆكی شاره‌وانی له‌ناوبردنه‌كه‌یان ڕاگرتوه‌ و دوای جه‌ژن ده‌ستی پێده‌كاته‌وه‌. ئاشكراشی ده‌كات تیمی 8 كه‌سی له‌پۆلیس و كارمه‌ندی شاره‌وانی پێك هاتووه‌ بۆ له‌ناوبردنیان.
شێخ له‌نگه‌رى وتیشى:"بۆپاك و خاوێن ڕاگرتنی شاری كه‌لار و ده‌وروبه‌ری ئه‌و سه‌گانه‌ له‌ناو ده‌برێن له‌لایه‌ن پۆلیس و 5 كرێكار و نوێنه‌رێكی شاره‌وانی
ڕۆژانه‌ ده‌گه‌ڕێن بۆ له‌ناودانیان".
ئه‌و ئاماژه‌ى به‌وه‌ش دا, به‌ر له‌مانگى ڕه‌مه‌زان 314 سه‌گ له‌ناوبراوه‌ و فڕێدراون .