له‌ گه‌رمیانه‌وه‌ بۆ هه‌موو جیهان

 

زه‌نگ كورد

zengkurd.net

 

 

زه‌نگێك بۆ هۆشیارى هاووڵاتى.. زه‌نگێك بۆ بێدارى ده‌سه‌ڵات

 

بێ ویژدانى ڕاهێنه‌رى پێشووى یانه‌ى كفرى، هۆكارى سه‌ره‌كى به‌ره‌و پاش چوونى یانه‌كه‌مان بوو

ئه‌حمه‌د جه‌لیل حه‌سه‌ن*


ئێمه‌ وه‌ك وه‌رزشكارى شارى كفرى بۆ خۆمان له‌م واقیعه‌ تێده‌گه‌ین كه‌ ئیستا وه‌رزش له‌ شاره‌كه‌مان پێدا تێپه‌ڕ ده‌ بێت ومنیش به‌رپرسم به‌رامبه‌ر هه‌ر قسه‌یه‌ك كه‌ ده‌یكه‌م بۆ ئه‌وه‌ى ئێوه‌ى خوێنه‌ر و هه‌روه‌ها وه‌رزشكارانی دڵنیابن حه‌ز ده‌كه‌م خۆتان بپرسن له‌ چه‌ندین یاریزانى یانه‌ى كفرى بۆ ئه‌وه‌ى ڕوون بێته‌وه‌ بۆتان وبزانن هۆكارى سه‌ره‌كى دواكه‌وتنى یانه‌كه‌ ده‌كه‌وێته‌ ئه‌ستووى كێ. بۆیه‌ من به‌ڕاشكاوى ده‌یڵێم ((عبد الكریم درویش)) ڕاهێنه‌ر پێشوو وده‌سته‌ ڕاسته‌كه‌ى كه‌ یاریزانێك بوو وبۆ به‌ هۆكارى دوا كه‌وتنى وه‌رزش. بۆ ئێوه‌ش ڕوونى ده‌كه‌مه‌وه‌ هیچ كاتێك سه‌رۆكى یانه‌ وجێگره‌كه‌ى ده‌ستیان نه‌خستوه‌ته‌ كاروبارى ڕاهێنه‌ر؟ به‌ڵكو به‌ پێچه‌وانه‌وه‌ یاریزانان ده‌ستیان خستوه‌ته‌ ئیشى ڕاهێنه‌ر به‌ڵگه‌شم ئه‌وه‌یه‌ ئه‌و یاریزانه‌ى ئێوه‌ پیشتر چاوپێكه‌وتنتان له‌گه‌ڵى كردبوو خۆى به‌ چه‌ندین یاریزانى وتووه‌ گه‌ر بۆ تیپه‌كه‌م یارى نه‌كه‌ى ئه‌وا بۆ ڕیزى یانه‌ى كفرى یارى ناكه‌یت .به‌ دڵنیایه‌وه‌ دواكه‌وتنى یانه‌ هه‌مووى له‌ ژێر سه‌رى كاپتن كه‌ریم بوو چونكه‌ له‌به‌ر به‌رژه‌وه‌ندى خۆى به‌گوێى ده‌كرد .ئه‌م وته‌یه‌ش شتێكى ئاشكرایه‌ وهه‌موو یاریزانان ده‌یزانن. بۆیه‌ من وه‌ك چه‌ند كه‌سانێك نیم له‌ خۆمه‌وه‌ فیشه‌گ بنێمه‌ تاریكیه‌وه‌ من ئه‌و هه‌موو به‌ڵگانه‌م له‌سه‌ر ڕاهێنه‌ر عبد الكریم ده‌رویش وده‌سته‌ ڕاسته‌كه‌ى هه‌یه‌؟ وپیشتریش هه‌ر له‌ رێگاى ڕۆژنامه‌ى زه‌نگه‌وه‌ ڕه‌خنه‌وه‌ گله‌یم ئاراسته‌ى كرد وداوام له‌ یانه‌ى كفرى كرد لێپرسینه‌وه‌ى له‌گه‌ڵدا بكات به‌ڵام مه‌خابن ئه‌گه‌ر ئه‌وسا گوێتان لێى بگردینایه‌ حاڵمان نه‌ده‌گه‌یشته‌ ئیستا؟؟ بۆیه‌ من به‌ڕاشكاوى ده‌یڵێم یانه‌ى كفرى كه‌موكورتى هه‌بووه‌ و هه‌یه‌ وخۆمیش ڕه‌خنه‌م لێیان گرتووه‌ وباسى كه‌موكورتیه‌كانم كردووه‌ وته‌نانه‌ت له‌ به‌رنامه‌ى تیشك كه‌ له‌كه‌ناڵى ناوخۆى یه‌كگرتووى كفرى نمایش كرا سه‌رۆك وجێگرى یانه‌ى كفرى راسته‌وخۆ ڕووبه‌ڕوى ڕه‌خنه‌كانى جه‌ماوه‌ر بوونه‌وه‌ وئه‌وانیش به‌ دڵێكى فراوان وه‌ریانگرت.هه‌ر له‌پاش ئه‌وه‌ش شتى باشیان بۆ وه‌رزشكاران كرد چونكه‌ پێشتر ته‌نها 10 تیپ له‌ كفرى هه‌بوو به‌ڵام ئیستا به‌ خوشحاڵیه‌وه‌ 24 تیپ هه‌یه‌ له‌ شاره‌كه‌مان وهه‌موویان كه‌ره‌سته‌ى وه‌رزشى ته‌واویان وه‌رگرتووه‌ له‌ لایه‌ن یانه‌وه‌. من جارێكى دیكه‌ ده‌یڵێم كاپتن كه‌ریم خیانه‌تى له‌ شارى كفرى وله‌ ده‌سته‌ى یانه‌ى كفرى كرد. چونكه‌ هۆمارى دابه‌زینى كفرى بوو بۆ پله‌ دوو چونكه‌ یانه‌ى كفرى هه‌موو پێداویستى بۆ كاپتن ئاماده‌ كرد ویاریزانه‌كانى كاپتن له‌ هیچ ڕوویه‌كه‌وه‌ كه‌موكورتیان نه‌بوو . به‌ڵابه‌داخه‌وه‌ به‌ هۆى تاكه‌ یاریزانێك وڕاهێنه‌رێكى بێ ویژدان بوینه‌ قوربانى پێڕ وپێڕبازى ئه‌و ڕاهێنه‌ره‌ .له‌كوتایدا داواكارین له‌ ده‌سته‌ى یانه‌ى كفرى وسه‌رۆكى یانه‌ به‌ تایبه‌تى به‌ هیچ جۆرێك بوار نه‌ده‌ن به‌و جۆره‌ یاریزانانه‌ قوڕ بكه‌نه‌ سه‌ر یانه‌كه‌مان. له‌كوتایدا سوپاس بۆ زه‌نگ كه‌ بۆته‌ مینبه‌رێك بۆ ئه‌وه‌ى به‌خۆماندا بچینه‌وه‌ وله‌هه‌ڵه‌كانى خۆمان په‌ند وه‌ربگرین وبتوانین جیاوازى بیروراى وه‌رزشیمان بخه‌ینه‌ خزمه‌تى وه‌رزشى شاره‌كه‌مان.
*مامۆستاى وه‌رزش له‌ كفرى

په‌یوه‌ندى:        zeng_rojane@yahoo.com         zengkurd@yahoo.com