ئیعجازى زانستى پزیشكى
نانخواردن

ئا/ سه‌ركه‌وت جلال
خواى په‌روه‌ردگار له‌ سوره‌تى الانعام ئایه‌تى (118)دا ده‌فه‌رموێت:
فَكُلُواْ مِمَّا ذكِرَ ٱسۡمُ ٱللَّهِ عَڵیۡهِ إِن كُنتُم بِـَٔاێـٰتِهِۦ مُۆۡمِنِینَ
واتا جا بخۆن له‌و زینده‌وه‌ره‌ سه‌ر بڕاوانه‌ی که‌ ناوی خوا له‌کاتی سه‌ربڕینیاندا براوه‌، ئه‌گه‌ر ئێوه‌ باوه‌ڕتان به‌رێنموونی و ئایه‌ته‌کانی خوا هه‌یه‌ (بسم الله‌، الله‌ اکبر، پێویسته‌ له‌کاتی سه‌ربڕینی ماڵاتدا بوترێت).
‌هه‌روه‌ها له‌ سوره‌تى الانعام ئایه‌تى (121) ده‌فه‌رموێت:
ۆڵا تَأۡڪُكلُواْ مِمَّا ڵمۡ یُذكَڕ ٱسۡمُ ٱللَّهِ عَڵیۡهِ ۆإِنَّهُ ۥ ڵفِسۡقٌ۬‌ۗ ۆإِنَّ ٱلشَّێـٰطینَ ڵیُوحُونَ إِڵىٰٓ أَوۡلِێآٮِٕهِمۡ لِیُجَـٰدِلُوكُمۡ‌ۖ ۆإِنۡ أَطعۡتُمُوهُمۡ إِنَّكُمۡ ڵمُشۡڕكُونَ
واتا له‌و ئاژه‌ڵه‌ سه‌ر بڕاوانه‌ش مه‌خۆن که‌ ناوی خوا له‌کاتی سه‌ر بڕینیاندا نه‌براوه‌ و به‌ڕاستی ئه‌وه‌ لادان و گوناهه‌، دڵنیابن که‌ شه‌یتانه‌کان شت ده‌خه‌نه‌ دڵی لایه‌نگره‌کانیانه‌وه‌ تا موجاده‌له‌تان له‌گه‌ڵ بکه‌ن و (به‌رگری له‌ به‌تاڵیان بکه‌ن) جا ئه‌گه‌ر ئێوه‌ فه‌رمانبه‌رداری ئه‌و هاوه‌ڵگه‌رو شه‌یتانانه‌ بن، ئه‌وه‌ بێگومان مانای وایه‌ ئێوه‌ش موشریک و هاوه‌ڵگه‌رن.
سێ لێكۆڵه‌ر و مامۆستاى زانكۆى سوریا بۆ ماوه‌ى سێ ساڵ لێكۆڵینه‌وه‌یه‌كى گرنگیان كرد ده‌رباره‌ى ئه‌م ئایه‌تانه‌:
دكتۆر سعید مخلص یعقوب ده‌ڵێت به‌رنامه‌یه‌كى كارمان دانا بۆ دیراسه‌كردن و لێكۆڵینه‌وه‌ به‌پێشكه‌وتوو ترین شێوازى زانستى له‌ تاقیگه‌دا وه‌لیژنه‌ى تایبه‌تیمان دانا له‌كه‌سانى پسپۆڕو شاره‌زا بۆ سه‌ردانى قه‌صابخانه‌كان و هێنانى نمونه‌ى تایبه‌ت بۆ شیكردنه‌وه‌و فه‌حس كردن، لیژنه‌كه‌ نمونه‌ى گۆشتى ئه‌و مه‌ڕو ماڵات و په‌له‌وه‌رانه‌یان هێنا كه‌ له‌كاتى سه‌ر بڕینیاندا ناوى خوایان له‌سه‌ر برابوو هه‌روه‌ها ئه‌وانه‌ش كه‌ ناوى خوایان له‌سه‌ر نه‌برابوو .
دكتۆر نبیل الشریف و دكتۆر فیز الحكیم له‌باره‌ى هه‌نگاوه‌كانى دیراسه‌كه‌وه‌ ده‌ڵێن ئه‌و نمونانه‌ى كه ‌ده‌گه‌یشته‌ ده‌ستمان له‌چینه‌كانى ناوه‌وه‌ى گۆشته‌كه‌ خانه‌مان وه‌رگرت و زه‌رعمان كرد بینیمان ئه‌و نمونانه‌ى ناوى خواى له‌سه‌ربراوه‌ له‌كاتى سه‌ر بڕیندا میكرۆب و مشه‌خۆر له‌سه‌رى گه‌شه‌ى نه‌كردبوو ، به‌ڵام ئه‌وانه‌ى كه‌ ناوى خوایان له‌سه‌ر نه‌برابوو میكرۆب و مشه‌خۆر له‌سه‌رى گه‌شه‌ى كردبوو.